Monday 18 August 2014

நிறுத்தப் போவதில்லை!


கொஞ்சமாய் உதிரும் சிறகுகள்!
மெல்லமாய் குறையும் ஆயுள்!
மெதுவாய் மங்கும் வண்ணங்கள்!
மொத்தமாய் அழியட்டும் அழகு!
பறத்தலையும் ரசித்தலையும்
சுவைத்தலையும் தேடலையும்
உயிர்நீத்தல் வரை
நிறுத்தப் போவதில்லை!

* பட்டாம்பூச்சி*

---கீர்த்தனா---

வைரக் காத்திருப்புகள்...

வைரக் காத்திருப்புகள்...
*********************************
புலர்ந்த காலையில்
புலம் பெயர்ந்து சென்ற
நேசப்பறவைகள் எங்கே?

இறகுகளுக்குள் மூடிய பாசம்
வெம்மைக் கதகதப்புடன்
பாதுகாப்பாய்....

வைரக் காத்திருப்புகள்
என்றுமே வீண்போவதில்லை...

---கீர்த்தனா---